يابحر .. فيني من الحزن .. كثر مافيك ..

يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..
ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..
وأقسى من .. جروح الزمان .. العطايب !!

وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..
إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..
ولاتنشد اللي غاب .. وين أنت .. غايب ؟؟

وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب !!

كلمات .. تدل على الحزن العميق

شكـرآ لك اختي ديوره على الموضوع الجميل

والله يبعدنا عن الحزن اجمعين

وشكــرآ على الموضوع مرة اخرى ^ـ^ ومااقول

إلا الله يبيض وجهك والله لا يهينك

تحياتي لك

.:. الــصــقــر .:.

تسلم اخوي

واميين

وربي يعطيك العافية

الصراحه شعر ولا ارووعه والله يبعد عنه الحزن ةيعدطيج العافيه اختي

تسلم اخوي على المرور