نمتي ولا نامت عيون تراعيك
لا ما تنام العين وانتي قريبه
الله يا زين السهر بين اياديك
والله يا زين الوفا يا الحبيبه
لي مدة والقلب متعلق فيك
ويا كبر حظ القلب دامك نصيبه
يا فرحة الدنيا عسى الله يخليك
الروح من دونك تراه غريبه
اغليك انا والله واغليك واغليك
والحب في جوفي تزايد لهيبه
حبك رماني هايم بين اياديك
حبك ملك عقلي .. ولا حد دريبه
خلك معي يا بنت ما دمت مغليك
واللي تبينه يا الحبيبه نجيبه
نامي وانا باسهر واسولف واسليك
والله ما اذوق النوم وانتي قريب
موضوع: والله ما اذوق النوم وانتي قريبه 
السبت مايو 31, 2008 11:41 am
