أنا ماهزني غيرك حبيبي من البشر إنسان..
ولا حبيت أبد قبلك ولا أفكر أحب ثاني...
"أبي حبك يزلزلني يفجر داخلي بركان"..
أبيه يطهر جروحي و يمحي باقي أحزاني..
أبيك.. تكثّّّر الرهبة وقلبك ممتلي إيمان..
وأبيك.. تشد من عزمي إذا همي تلقاني..
<<أبي حبك>> ينسيني همومي وعالم الأحزان
وأبي قلبك يصبرني إذا جيتك أنا أعاني..
أبيك..تشيل من قلبي معالم لوعة الحرمان
أبيك..توقف بصفي إذا ظرفي تحداني..
<<أبي حبك>> يجنني وينبش في سماي الوان
أبي قلبك يحسسني بصدق الحب لا جاني..
أبيك الصاحب الوافي يحضني دايم بهيام..
أبيك العاشق المخلص يشافي دوم عطشاني
~أبي عطشك~ أبي قربك~ أبي حب كمل بنيان..
أبي قلب كبير لاملاه الشوق ناداني..
أبيك الشاعر الصادق.. أبيك المغرم الهيمان..
ابيك تبيع هالدنيا و تبيع الروح من شاني..!
أبي أسكن وسط قلبك لوحدي مامعي أنسان..؟
أبملك كل تفكيرك وتملك كل وجداني..
أبي قلبك يعاهدني لو خان البشر ماخان..
أبي أطلب طلب واحد رجيتك وهو المهم الأن...؟
وأنا ادري مستحيل ترفض لأنك جد تهواني
[ أبيك تعيش في قلبي إذا تسمح مدى الأزمان ]
[ أبيك تشوف ماتملك في قلبي وماتعداني..